ಬಂಟಕಲ್ ನಲ್ಲಿರುವ ಶ್ರೀ ಮಧ್ವ ವಾದಿರಾಜ ತಾಂತ್ರಿಕ ಮಹಾ ವಿದ್ಯಾಲಯಕ್ಕೆ ಗೋವಾದ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಮಠದ ಪರಮಪೂಜ್ಯ ಶ್ರೀ ಶ್ರೀ ಶಿವಾನಂದ ಸರಸ್ವತಿ ಸ್ವಾಮಿಗಳು ದಿ. ೧೪-೫-೨೦೧೯ನೇ ಮಂಗಳವಾರ ಭೇಟಿಕೊಟ್ಟು ಕಾಲೇಜಿನ ಪ್ರಗತಿಗೆ ಹರ್ಷಿತರಾದರು. ದೇವರ ಅನುಗ್ರಹದಿಂದ ಈ ಸಂಸ್ಥೆಯು ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿ ಎಂದು ಹಾರೈಸಿದರು. ಕಾಲೇಜಿಗೆ ತಮ್ಮ ಭೇಟಿಯ ನೆನಪಿಗಾಗಿ ಸ್ವಾಮೀಜಿಯವರು ಶ್ರೀಗಂಧದ ಗಿಡವನ್ನು ನೆಟ್ಟರು. ಈ ಸಂದರ್ಭದಲ್ಲಿ ಸ್ವಾಮೀಜಿಯವರನ್ನು ಕಾಲೇಜಿನ ವತಿಯಿಂದ ಗೌರವಿಸಲಾಯಿತು
